Përmbysja e varkës me 4 persona në bord, gruaja dyshohet të jetë mbytur

Një ngjarje e rëndë u regjistrua mëngjesin e sotëm në Himarë, ku si pasojë e motit të keq, është përmbysur një varkë e vogël, ku ndodheshin 4 pjesëtarët e një fammiljeje.

Sipas policisë, e cila ka arritur të nxjerrë nga deti babain dhe dy djemtë, gruaja e identifikuar si Mirela Rama është zhdukur dhe dyshohet se është mbytur.

Babai dhe njëri nga djemtë janë në gjendje të mirë shëndetësore, ndërsa djali tjetër është dërguar në spital në gjendje më të rëndë për jetën.

LEXO EDHE  Maliqi: Krimi i bërë njësh me politikën, Lleshaj nëse është burrë të japë dorëheqjen

Ekipet shpëtuese po vazhdojnë kërkimet për nënën e tyre, ndërkohë që dyshimet e policisë janë se ajo mund të jetë mbytur.

Kërkimet vështirësohen akoma më shumë edhe moti i keq, që ka bërë që të gjithë pushuesit të lënë plazhet për t’iu drejtuar banesave dhe hoteleve.