Gavazaj: Me Kukësin synoj titullin kampion

Kukësi njoftoi sot akordin me sulmuesin anësor Zenel Gavazaj, vëllanë e futbollistit tjetër të verilindorëve Enis Gavazaj. Sulmuesi 20-vjeçar nga Zhuri i Prizrenit stërvitet prej muajsh në klubin e Kukësit, por vetëm ditën e sotme ka hedhur firmën mbi një kontratë dy vjeçare.

Më pas Gavazaj ka dhënë edhe një intervistë për faqen zyrtare të klubit verilindor, ku ka shtuar se është pritur mjaft mirë nga shokët e skuadrës dhe se synon titullin kampion me fanellën e Kukësit.

LEXO EDHE  Marash Kumbulla pritet të debutojë me Romën ndaj Juventusit në “Olimpico”

“Kukësi është një nga ekipet që ka pretenduar gjithmonë për titull kampion. Kjo bëri qe unë të pranoj propozimin dhe ndihem mirë që jam pjesë e Kukësit.”

“Me Kukësin synoj që të luaj sa më shumë dhe t’i shpërblej për besimin që më kanë dhënë duke arritur së bashku objektivin. Dua që së bashku me shokët e skuadrës të arrijmë titullin kampion.”