Ndahet nga jeta “Partizani i vogël Velo” Konstandin Ropi

Kostandin Ropi heroi i letrarizuar i subjektit të filmit “Partizani i vogël Velo” është ndarë nga jeta në moshën 90-vjeçare.

Konstandin Ropi ka lindur në Leshnicë, Vithkuq në vitin 1930.

Ai mbeti jetim që në moshë të vogël, pasi i u vranë prindërit dhe doli në mal partizan në moshën 12-vjeçare.

Është personazhi real i filmit të Kinostudios “Shqipëria e Re” që u kthye në heroin e filmit “Partizani i vogël Velo”.

LEXO EDHE  ‘Lëre se është shoku i shefit, janë fëmijë .../ Rrëfimet e policëve rrugorë kur ndalin automjetet në kohë pandemie

Pas Çlirimit ka mësuar në një shkollë ekonomike për kontabilitet në vitet 1947 – 1948. Më pas ka studiuar në shkollat ushtarake në BS.

Në Tiranë përfundoi Shkollën e Bashkuar të Oficerëve dhe Akademinë Ushtarake. Më pas, kur mbaroi Akademinë Ushtarake shkoi me shërbim në Durrës ku shërbeu për shumë vite.

Pas daljes në pension u rikthye në vendlindje në Korçë.