Prej 4 vitesh tashmë, Federico Chiesa është padyshim një nga lojtarët më premtues të futbollit italian.
Në fakt, ai është kthyer të jetë një nga lojtarët më të kërkuar në merkato. Ylli i Fiorentina-s ndiqet prej kohësh nga klubet e mëdha të Italisë si Juventus dhe Inter, por deri tani Commisso ka rezistuar.
Sipas “La Nazione”, pronari i klubit vjollcë, ka pranuar ta nxjerrë në shitje tani dhe Manchester United ka dashur të djegë konkurrencën me një ofertë prej 55 milionë eurosh.
Djajtë e Kuq gjithashtu janë vënë pas shërbimeve të Jadon Sancho-s dhe mediat angleze raportojnë se negociatat me Dortmundin janë në rrugën e duhur.
