Vllaznia dhe Hygor i kanë dhënë fund bashkëpunimit. Lajmi është bërë publik nga vetë lojtari brazilian, që nuk ka gjetur gjuhën e përbashkët me drejtuesit shkodranë për të vijuar edhe një tjetër sezon.
Kontrata mes palëve skadoi në fundin e muajit që lamë pas, ndërsa Hygor bëri disa paraqitje të mira me kuqeblutë.
Braziliani u kushtëzua nga problemet familjare që e mbajtën gjatë jashtë fushe, ndërsa gjatë një sezoni zhvilloi 21 paraqitje duke shënuar pesë gola me shkodranët.
“Faleminderit VLLAZNIA! Ishte një nder ta vishja atë këmishë! Falënderoj Administratorin Suad Lici, Engin dhe trajnerin Mirsad Jonuz për mundësinë. Nuk do ta harroj kurrë mbështetjen e fansave në momentin më të vështirë të jetës sime. Faleminderit të gjithë stafit”, shkruan mesfushori.
