Ekspertët francezë japin alarmin: Përgatituni për valën e dytë të koronavirusit

Komiteti shkencor në Francë paralajmëron se në vjeshtë ose dimër mund të përballemi me një valë të dytë të pandemisë së koronavirusit.

Paralajmërimi vjen në një kohë kur rastet e reja në Francë janë rritur ndjeshëm. Më shumë se 3 mijë raste janë konfirmuar vetëm në tre ditët e fundit. Sipas Reuters, edhe numri i personave që trajtohen në kujdes intensiv nëpër spitale, ka filluar të rritet.

“Ecuria afatshkurtër e pandemisë, kryesisht është në duart e popullatës”, thuhet në një deklaratë të komitetit shkencor për virusin.

LEXO EDHE  Qeveria siriane sulmon qytetin në kufi me Turqinë, katër të vdekur, tre prej tyre policë, dhjetëra të tjerë të plagosur

“Në të, po ashtu i kërkohet qyteteve të mëdha të përgatiten për një plan për më shumë izolime lokale në varësi të epidemisë”, shkruan e përditshmja franceze “Le Monde”.

Përveç Francës, shumë vende të tjera në Evropë po regjistrojnë një rritje domethënëse të rasteve të reja në javët e fundit.

Belgjika, Luksemburgu dhe Spanja po ashtu kanë parë që shifrat të rriten, çka edhe ka ndezur frikën për një rikthim të virusit në kontinent.