Disa deputetë të asaj që njihet si “opozita” parlamentare dorëzuan në SPAK një kallzim penal ndaj ministrave Sandër Lleshaj dhe Olta Xhaçka, si dhe disa zyrtarëve përgjegjës për prokurimet, pasi akuzohen prej ligjvënësve se kanë abuzuar me tenderat për uniformat e policisë.
Kallzimi penal u depozitua nga Myslym Murrizi dhe Halit Valteri.
Pas padisë ndaj ministrave, deputetët dhanë argumentet e tyre në një deklaratë për mediat.
“Të gjitha detajimet, kartat teknologjike, detajet shpallja e parë për katër vite, numri i artikujve 762 mijë, ulja drastike e numrit të artikujve dhe ruajtja e së njëjtës vlerë”
Vetëm në këtë tender diferenca midis laçimit të parë 706 mijë artikuj dhe heqjes 230 mijë artikuj më pak, është afër 4-5 milion euro”, thanë ata.
Deputetët akuzojnë zyrtarët se të ndikuar nga korrupsioni, kanë skualifikuar nga tenderi dy kompani me eksperiencë në prodhimin e veshjeve, dhe kanë shpallur fitues një kompani të pa angazhuar në këtë fushë.
“Ftoj SPAK-u që të hetojë me vëmendje aferat dhe lidhjet pse kjo firmë që nuk ka rrobaqepësi, ka objekt gërmime dheu dhe shoqëri tregtare, sfidon një firmë turke, një firmë kroate që kanë enkas rrobaqepësi dhe janë të specializuara për uniformat.
Nuk e di. Është një amendim i imi, por drejtësia besoj do të zbardhi nëse nuk është me karamele në fyt, nëse nuk është e kapur”, tha Myslym Murrizi.
Deputetët thonë se nuk janë entuziastë për punën e SPAK, por se shpresojnë që ajo të çlirohet nga hija e politikës./abcnews.al
