Të dëmtuara nga tërmeti, shemben dy pallate 5-katëshe në Durrës

Dy pallate në rrugën “Aleksandër Goga”, lagjia 18 në Durrës janë shembur sot, në kuadër të projektit të Rindërtimit.

Pallatet 5-katëshe ishin dëmtuar nga tërmeti i 26 nëntorit dhe në zbatim të ekspertizave të thelluara të hartuara nga Instituti i Ndërtimit në Tiranë, ishte vendosur edhe shembja e tyre.

LEXO EDHE  287 gjoba do shkojnë nëpër shtëpi, makina ‘inteligjente’ surprizë të hidhur shoferve

Në këtë aksion është angazhuar IKMT dhe IMTV në bashkëpunim me Policinë Bashkiake Durrës.

Policia bën me dije se ka marrë të gjitha masat e sigurisë ndërsa kërkon mirëkuptimin e banorëve të objekteve që do shemben që të largohen nga godinat.