Tirana dhe Teuta e mbyllin sezonin mbrëmjen e stome në “Air Albania” aty ku do të diskutojnë finale e Kupës së Shqipërisë.
Një trofe i denjë për të kremtuar ashtu si duhet plot 100 vjet histori. Tirana, në fakt, e ka nisur festën me titullin kampion, por një triumf i dyfishtë do të ishte pa dyshim ideali për të vulosur dominimin.
Nga ana tjetër, Teuta, Kupën mund të sigurojë vërtet një arritje të denjë për të festuar 100-vjetorin e klubit durrsak dhe një arritje që do ta bënte sezonin të suksesshëm.
Teuta e Edi Martinit vjen e plotë dhe me besimin se në “Air Albania” mund të jenë ata që do të ngrenë trofeun, ndërsa bardheblutë pas fitores së Superligës tentojnë edhe trofeun e dytë të sezonit që do ta rikthente skuadrën në kohët e arta kur dominonin futbollin shqiptar.
Tirana-Teuta luhet në orën 20:00 në stadiumin “Air Albania”.
