Skenari i ‘errët’ i Faucit: Koronavirusi nuk do të zhduket kurrë

Këshilltari i Shtëpisë së Bardhë për koronavirusin, Anthony Fauci, tha se koronavirusi është aq ngjitës sa që nuk pritet të zhduket ndonjëherë, duke bërë kontradiktë me deklaratat e Donald Trump, që ka thënë vazhdimisht se Covid-19 do të zhduket me kalimin e kohës.

“Nuk mendoj se sëmundja do të zhduket për shkak se është shumë ngjitëse”-, tha Fauci, drejtori i Institutit Kombëtar të Sëmundjeve Infektive.

Koronavirusi, që u shfaq 7 muaj më parë, ka infektuar mbi 17 milionë njerëz dhe ka vrarë mbi 674,000 në të gjithë botën. Shtetet e Bashkuara kanë vatrën më të keqe në botë me mbi 4 milionë raste dhe 152,000 vdekje.

Komentet e Fauci bëjnë kontradiktë me Trump, që ka thënë vazhdimisht se virusi do të zhduket. Shumë ekspertë të shëndetësisë, përfshirë Qendrën e Kontrollit dhe Parandalimit të Sëmundjeve, thonë se rastet dhe vdekjet nga Covid-19 pritet të rriten mëtej gjatë Vjeshtës. Ndërkohë që zhdukja nuk është një opsion, Fauci ka thënë se është e mundur që liderët botërorë ta çojnë pandeminë në nivele të ulëta dhe të kontrollueshme.

LEXO EDHE  COVID-19 rriti numrin e pacientëve në psikiatri dhe përdoruesve të drogës

Ai tha se Shtetet e Bashkuara kanë kaq shumë raste për shkak se disa shtete nuk u mbyllën në kohë dhe të tjera u rihapën shumë shpejtë.  Ai tha se vende të tjera kanë pasur mundësinë të eleminojnë valën e parë, pasi mbyllën të paktën 90% të bizneseve. Fauci tha gjithashtu se nuk ka garanci që shkencëtarët do të zbulojnë një vaksinë të siguritë dhe efektive për koronavirusin.