Një person ka mbetur i plagosur aksidentalisht, ndërsa kishte shkuar në gjueti me miqtë e tij. Ngjarja ndodhi në Skrapar.
Burime zyrtare nga policia bënë me dije se janë arrestuar shtetasit M. K., 66 vjeç, banues në Vërzhezhë, E. Ç., 36 vjeç si dhe J. Ç., 26 vjeç, banues në lagjen ‘30 Vjetori’ të Beratit.
Arrestimi i tyre u bë pasi gjatë natës kanë qenë duke gjuajtur në mënyrë të paligjshme, në fshatin Vërzhezhë, Skrapar dhe dyshohet se gjatë gjuetisë është plagosur në dorë shtetasi J. Ç.
Materialet i kaluan Prokurorisë së Rrethit Gjyqësor Berat, për veprat penale ‘Plagosja e rëndë nga pakujdesia’ dhe ‘Armëmbajtja pa leje’.
