Kroacia është kthyer një destinacion super për futbollistët e Superiores dhe një tjetër lojtar do të transferohet në këtë kampionat. Flasim për Bruno Lulajn, mbrojtësin e Kukësit, i cili është gati të provojë aventurën e parë jashtë Shqipërisë.
Panorama Sport raporton se mbrojtësi 25-vjeçar do të kalojë te Lokomotiva e Zagrebit. Klubi ku aktivizohen një koloni me shqiptarë dhe që sezonin e ardhshëm do të luajë në Champions League, ka gjetur akordin me Kukësin për shifrën e 250 mijë eurove.
Biznes i mirë për nënkampionët e Shqipërisë dhe shans fantastik për lojtarin (40 ndeshje këtë sezon mes kampionatin dhe Kupës së Shqipërisë), që ka provuar të luajë në Superiore edhe me Skënderbeun dhe Laçin.
