Konservatorët dhe Reformistët Europianë – ECR, një nga grupet e fuqishme politike në Parlamentin Europian, kanë dënuar ashpër kryeministrin Edi Rama për prishjen e konsensusit përmes ndryshimeve të njëanshme të Kushtetutës.
Këto ndryshime, ECR i cilëson në kundërshtim me orientimin europian të Shqipërisë.
ECR, ku bën pjesë dhe PR-ja e drejtuar nga Fatmir Mediu, ka ashpërsuar tonet teksa deklaron se këto ndryshime bien ndesh me rekomandimet e OSBE-së dhe janë të papajtueshme me standardet e NATO-s dhe Bashkimit Europian.
ECR i është PS-së me thirrjen e drejtpërdrejtë që ti qëndrojë Marrëveshjes së 5 qershorit dhe kodifikimit konsensual të kësaj marrëveshje që ësjtë miratuar dhe është tashme ligj.
Reagimi nga ECR:
Grupimi i Partive Konservatore ne Parlamentin Europian i bën thirrje Mazhorancës të respektojë Marrëveshjen e 5 Qershorit.
Grupimi ECR dënon me forcë thyerjen e qëllimshme nga kryeministri Rama te konsensusit që partitë politike në Shqipëri arritën në 5 qershor, me mbështetjen e bashkësisë ndërkombëtare, për Reformën e Kodit Zgjedhor të Shqipërisë.
Veprimi i njëanshëm i qeverisë Rama për të ndryshuar Kushtetutën, duke ndryshuar rregullat elektorale vetëm disa muaj para zgjedhjeve të planifikuara, me qëllim për të penguar partitë e opozitës të krijojnë koalicione elektorale shkon kundër orientimit evropian të Shqipërisë.
Partia ECR është shumë e shqetësuar me këtë praktikë, kundër rekomandimeve të OSBE-së në mbështetje të zgjedhjeve të lira dhe të ndershme dhe që është i papajtueshëm me normat demokratike të NATO-s dhe vendeve anëtare të BE-së. Partia ECR i bën thirrje partisë qeverisëse të Shqipërisë të mbështesë Marrëveshjen e 5 Qershorit mbi Zgjedhjet.
DENONCO