Aneta Rama u nda nga jeta/ Nga Meta te Thaçi, ja mesazhet e ngushëllimit për Ramën

Presidenti Ilir Meta ka ngushëlluar familjen Rama për humbjen e nënës dhe gjyshes së tyre.

Me një mesazh të shkurtër në rrjetin social, Presidenti ngushëllon Kryeministrin Edi Rama dhe pjesëtarët e familjes.

“Ngushëllimet më të sinqerta për familjen Rama, për ndarjen nga jeta të nënës dhe gjyshes së tyre të dashur Aneta.

U prehtë në paqe!”, shkruan Meta.

Por duket se familja Rama ka marrë mesazhe të shumta ngushëllimi.

Presidenti i Kosovës Hashim Thaçi i drejtohet Ramës duke i thënë se “bashkëndjej me ju dhimbjen e thellë për ndarjen nga jeta të nënës Aneta.”

“I dashur Edi, në këtë ditë të pikëllimit, por edhe të krenarisë, bashkëndjej me ju dhimbjen e thellë për ndarjen nga jeta të nënës Aneta. Ngushëllimet më të sinqerta në emër timin dhe të familjes. HTH”, shktuan Thaçi.

Zv. kryeministri Erjon Braçe ka postuar një mesazh të veçantë për ndarjen nga jeta të nënës së kryeministrit Edi Rama.

“Të jesh në paqe mike e mirë! E kam me vete zërin tënd, revoltën që na bente bashke; Mirësinë TËNDE! Lamtumirë!”, shkruan Braçe.

LEXO EDHE  Seksi në kohë korone, çfarë rekomandohet

Gjithashtu Urdhri i Stomatologut ka reaguar me një mesazh, ku shprehet “sot u nda nga jeta mjekja stomatologe “Nderi i Stomatologjisë Shqiptare” Dr.Aneta Rama. Sot stomatologjia shqiptare humbi një nga ikonat e para të themelimit të këtij shërbimi elitar në vendin tonë. Familja humbi njeriun e saj të dashur nënën, gjyshen e njeriun që do ta kujtojnë tërë jetën. Në emër të Urdhrit të Stomatologut të Shqipërisë i shpreh ngushëllime familjes, miqve e kolegëve të Dr.Anetës. U prehsh në paqe Dr.Aneta!”.

Sport Klub Partizani, ku Olsi Rama është Drejtor i Përgjithshëm, shkruan “i përcjell ngushëllimet më të sinqerta familjes Rama dhe të afërmve, për këtë humbje të madhe dhe të pa zëvendësueshme. ”

Aneta Rama u nda nga jeta në moshën 82-vjeçare. Me profesonin mjeke stomatologe, doktoreshë. Aneta Rama lindi në qytetin e Vlorës më 1 shtator 1939. Shkollën dhe arsimin e mesëm e mbaroi në qytetin e lindjes me rezultate të shkëlqyera.