Ish-deputeti i LSI-së, Vangjel Tavo, ka reaguar ndaj deklaratave të një dite më parë të Kryeministrit Edi Rama, i cili nga salla e Parlamentit iu drejtua me një mesazh ndërkombëtarëve, duke i kujtuar se Shqipvria është një vend sovran, me një Parlament, Qeveri dhe Kryeministër sovran.
Por Tavo, duke iu referuar nenit 2/1 të Kushtetutës, ku thuhet se “sovraniteti në Republikën e Shqipërisë i përket popullit”, shkruan se sovrani në këtë Republikë është vetëm populli.
“Ata që ia mohojnë këtë të drejtë janë tiranë. Rama dhe sekti i rilindjes jo vetëm ia kanë mohuar shqiptarëve këta të drejtë por edhe kanë marrë peng të ardhmen evropiane të vendit dhe fëmijëve tanë.
“I takon popullit shqiptar të mbrojnë demokracinë dhe perspektivën e tyre evropiane,” thotë Zëdhënësi i Partive Popullore Europiane, Michael Gahler.
Kjo është Evropa e vërtetë. Evropa është demokraci dhe demokracia të çon në Evropë. I takon popullit shqiptar të mbrojë demokracinë e të rrëzojë tiraninë. Vetëm kështu mund të risjellim shpresën dhe të përmbushim ëndrrën tonë evropiane”, e mbyll reagimin e tij në rrjetet sociale, Vangjel Tavo.
