Formula1, Silverstone/ Përfundojnë provat e lira, ja rezultatet

Lance Stroll ka kryesuar renditjen në sesionin e dytë të provave të lira të Çmimit të Madh të Britanisë në Formula 1.

Në Silverstone këtë të premte, piloti kanadez regjistroi kohën më të shpejtë, 1 minutë 27 sekonda e 274 të mijtat.

I dyti u rendit Red Bulli i Albon me vetëm 90 të mijtat e sekondës më i ngadaltë se makina Racing Point e Stroll, ndërsa i treti me 2 të dhjetat e sekondës më i ngadaltë u pozicionua Valteri Bottas.

LEXO EDHE  Mediat italiane kryqëzojnë Kumbullën: Je një dështim, te goli i tretë ishe për turp

4-ti u rendit piloti i Ferrarit Charles Leclerc, ndërsa ishte një ditë për t’u harruar për Sebastian Vettel, i cili pati probleme me makinën e tij si paradite ashtu edhe pasdite, duke mos regjistruar dot një xhiro të shpejtë.