Festa e Kurban Bajramit, Meta: Politika të mësojë nga fryma e mirëkuptimit

Presidenti Ilir Meta iu drejtua me një mesazh të qartë politikës, në këtë ditë feste të Kurban Bajramit, që ka mbledhur bashkë në selinë e Kryegjyshatës krerët e besimeve fetare në vend.

“Uroj që edhe politika të mësojë të marrë këtë shembull të frymës së mirëkuptimit, të bashkëpunimit për interesa të qytetarëve, por besoj se populli do udhëhiqet nga kjo harmoni që frymëzojnë këta udhëheqës të nderuar që bëjnë një punë të jashtëzakonshme për të edukuar qytetarët me vlerat hyjnore, njerëzore, qytetare dhe atdhetare”- tha Meta.

LEXO EDHE  Gahler apel Ramës: Mos rivoto Kodin Zgjedhor pa u shprehur Venecia

Kreu i shtetit nuk ka harruar të kujtojë edhe njëherë objektivin madhor të vendit, integrimin në BE.

“Qëllimi dhe objektivi madhor mbetet anëtarësimi në BE dhe duhet të punojmë për të hequr cdo pengesë sa më shpejt që frenon këtë ëndërr, që të mos na ikin të rinjtë e që ata që kanë ikur të kthehen sic shprehu besimin e tij Papa Francesku në vizitën e tij në Tiranë, që shqiponjat do të kthehen në shtëpinë e tyre”.