Nis zbatimi i regjimit 41 bis.
Ministrja e Drejtësisë Etilda Gjonaj ka firmosur kërkesën e SPAK për izolimin e bosëve të krimit në 41 bis.
Struktura e Posaçme Anti-Korrupsion (SPAK) kërkoi në muajin mars që 8 persona, të cilët ndodhen në burgjet shqiptare të vendosen në regjim të veçantë, ose siç njihet ndryshe si “41 bis”.
Mësohet se të burgosurit ndodhen në dy burgje, në paraburgimin 313 në Tiranë dhe atë të sigurisë së lartë në Peqin.
Sot në 13:30 për zbatimin e 41 Bis, i cili aplikohet për herë të parë në Shqipëri, Ministrja e Drejtësisë, Etilda Gjonaj, Ministri i Brendshëm, Sandër Lleshaj dhe kreu i SPAK, Arben Kraja, pritet të dalin në një konferencë të përbashkët për media në Ministrinë e Drejtësisë./abcnews.al
