Nuk ka qetësi për Elbasanin, ku Regis Runaj, miku i ngushtë i Emiljano Ramazanit është gjetur i vdekur pranë varrezave në lagjen “Emin Matraxhiu” në Elbasan mbrëmjen e sotme.
23-vjeçari është gjetur i vdekur rreth orës 22:10 nga policia dhe mendohet se ai është vrarë pak orë më parë. Runaj u qëllua me thikë nga persona ende të paidentifikuar në një lagje të Elbasanit.
23-vjeçari është qëlluar disa orë më parë, por është transportuar vonë për në spital, ku dhe ndërroi jetë për shkak të plagëve të rënda që kishte marrë.
Pasi është vrarë me thikë dhe plumba trupi i tij është hedhur afër varrezave, një rrugë qorre ku nuk kalojnë njerëz. Kjo i ka ndihmuar autorët që të mos lënë gjurmë pasi kanë vrarë Runajn.
Nuk dihet ende shkaku i vrasjes së tij, ku dyshimi kryesor ngelet prishja e pazareve të drogës dhe bashkëpunimi me Emiljano Ramazanin.
Policia nëpërmjet një njoftimi zyrtar bën me dije se e ka identifikuar autorin dhe po punon për kapjen e tij, ndërsa ka ngritur edhe postoblloqe.
Emiljano Ramazani vra më 20 korrik të këtij viti, ndërsa po parkonte makinën e tij tip “Ford Focus” me targa AA 945 DG mes pallateve pranë vendit të quajtur “Rrethrrotullimi i luleve” në hyrje të qytetit të Elbasanit, kur një person iu afrua dhe e qëlloi për vdekje 5 herë me pistoletë nga xhami i pasagjerit.
Vrasja e tij lidhet me larje të hesapeve të drogës, ku viktima njihet si shpërndarës në qytetin e Elbasanit. Madje 40-vjeçari është proceduar tre herë për këtë veprimtari kriminale ku një herë është dënuar dhe dy herë është deklaruar i pafajshëm, megjithëse në dosje nuk mungonin provat.
LEXO EDHE:
Lajmi i Fundit/ Identifikohet 23-vjeçari që u vra me thikë në Elbasan (Emri)
