Policia arrestoi një person lidhur me të shtënat me armë te një biznes pranë Kthesës së Kamzës në Tiranë. I arrestuari është polici privat që ruante biznesin.
66 vjeçari, P.M, sipas policisë,ka parë dy persona të paidentifikuar me motor që kanë ndaluar përpara biznesit dhe kanë qëlluar me armë, por nuk ka lajmëruar as në Policinë e Shtetit si dhe nuk ka raportuar sallën dhe eproret e tij.
Një ditë me parë policia njoftoi se është lajmëruar nga pronari i binzesit se ka gjetur gëzhoja armësh në derën e dyqanit të tij me elektroshtëpiake.
Biznesmeni me iniciale S.A, pronari i një dyqani elektro-shtëpiake, në zonën pranë ‘Doganës’ në kryeqytet, pretendon se tek dera e dyqanit, ka gjetur disa gëzhoja armë zjarri dhe xhamin e derës të thyer.
