Presidenti i Bjellorusisë, Alexander Lukashenko, ka bërë me dije se është prekur nga koronavirusi.
Lukashenko, në fillim të pandemisë, thonte se frika ndaj virusit të ri është thjesht psikologjike dhe se vodka ishte ilaçi më i mirë për Covid-19.
Duke folur në prag të zgjedhjeve në Bjellorusi, 65-vjeçari theksoi se ishte infektuar me koronavirusin që në vendin e tij ka shkaktuar më shumë se 500 viktima.
“E kam kaluar pa simptoma. E kam kaluar në këmbë, sipas mjekëve. Siç kam thënë edhe më parë, 97% e popullsisë e kanë këtë virus, por janë asimptomatikë”, tha Presidenti.
Në Bjellorusi ka pasur protesta të shumta për shkak se qeveria nuk mori masa të ashpra për frenimin e pandemisë.
