Ambasadorja amerikane Yuri Kim dhe ai i BE-së, Luigi Soreca, kanë zhvilluar një takim me Kryeministrin Edi Rama, në selinë e Kvshillit të Ministrave.
Takimi vjen pak ditë para se Kuvendi të kalojë në seancë plenare draftin mbi ndryshimet Kushtetuese, lidhur me hapjen e listave, koalicionet parazgjedhore dhe pragun elektoral.
Takimi ka zgjatur 1 orë dhe nga burime diplomatike, mësohet se ambasadorja amerikane ka falenderuar Kryeministrin Edi Rama për miratimin e marrëveshjes së 5 qershorit. Mësohet se, Kim ka mirëpritur vijimin e diskutimeve në Këshillin Politik, ndërsa ka kvrkuar transparencë dhe gjithëpërfshirje në diskutimet e mëtejshme.
Opozita e bashkuar ka kërkuar hapjen 100 % të listave, gjë që në parim nuk kundërshtohet nga Partia Socialiste. Por pika që ndan palët janë koalicionet parazgjedhore. PS përmes Ramës ka deklaruar për një riformatim të mënyrës sesi mund të ndërtohen koalicionet, duke propozuar që partitë e përfshira në një koalicion të përfaqësohen me njv listë të vetme kandidatësh.
Ndërkohë që opozita kvrkon që formula të mos ndryshojë, pra që çdo subjekt të ketë listën e tij të kandidatëve, brenda koalicionit.
Ndërkombëtarët kanë përshëndetur miratimin nga Kuvendi të marrëveshjes së 5 qershorit, por kanë kërkuar që ndryshimet Kushtetuese të mos prekin thelbin e kësaj marrëveshjeje. Gjithashtu ato kanë kërkuar vijimin e punës në Këshillin Politik për t’u dakordësuar lidhurme ndryshimet e mëtejshme.
