Policia italiane arrestoi një 27 vjeçar shqiptar banues në Marotta, pasi në banesën e tij u gjendën rreth 160 gramë drogë e llojit kokainë.
Policia nisi një hetim ndaj 27-vjeçarit pasi ai shoqërohej me persona që ishin vartës të drogës në qytet.
Nga vëzhgimet, policia ngriti dyshimet se shtëpia e shqiptarit shërbente si pikë shpërndarje droge.
Në kushte të tilla, policia ushtroi një kontroll në banesë, ku gjeti edhe lëndën narkotike.
Gjatë ndërhyrjes shqiptari pësoi një krizë nervore duke rënë përtokë.
Lënda narkotike u gjet e fshehur në një cep të një prej kolltukëve.
Policia bëri të mundur arrestimin e shqiptarit ndërsa gjatë hetimeve u zbulua se prindërit nuk kishin lidhje me lëndën narkotike të sekuestruar.
