Ish-ministri i Drejtësisë, Ylli Manjani, në një postim në rrjetet sociale, shkruan se Kushtetuta ka rënë, ndërsa ndryshimet e njëanshme të dakordësuara nga Edi Rama dhe Myslym Murrizi janë prishje e rregullave të lojës.
Manjani shkruan se dëmmin për rënien e Kushtetutës është fatura politike e PS, ndërsa shton se çështja kryesore është shkatërrimi i rregullave të lojës, kur loja ka filluar.
“Shkatërrim i njëanshëm sipas egos së çunit të beut “topi është imi dhe penalltinë e gjuaj unë”!!!
Deri më sot rregullat e zgjedhjeve janë shkruar me dakortësinë e palëve që garojnë në to.
A do ta pranojnë garën me rregulla të prishura partitë e Opozitës apo jo, mbetet për t’u parë. Por nuk është më punë Kushtetute, e cila ka kohë që ka rënë…”, shkruan Manjani.
Postimi nga Ylli Manjani
Nisma Rama-Murrizi për të ndryshuar Kushtetutën, nuk dëmton dot më këtë të fundit.
Kushtetuta ka rënë, ndaj ska se ç’të dëmtohet më… Një kafshatë më shumë nga tufa e neneve që si zbaton njeri nuk kanë vërtetë rëndësi. Dëmi është bërë me kohë.
Më së shumti ky dëm është nën faturën politike të Partisë Socialiste, e cila e bëri vendin me Kushtetutë dhe po e lë vendin pa të…
Çështja themelore këtu është SHKATËRRIMI i RREGULLAVE të lojës, kur loja ka filluar. Shkatërrim i njëanshëm sipas egos së çunit të beut “topi është imi dhe penalltinë e gjuaj unë”!!!
Deri më sot rregullat e zgjedhjeve janë shkruar me dakortësinë e palëve që garojnë në to.
A do ta pranojnë garën me rregulla të prishura partitë e Opozitës apo jo, mbetet për t’u parë. Por nuk është më punë Kushtetute, e cila ka kohë që ka rënë…
