E fundit/ Juventus shpallet kampion në Itali për sezonin 2019-2020

Juventus është zyrtarisht kampion në Serie A për të 9-in vit radhazi. Bardhezinjtë mbyllën çështjen e titullit 2 java para fundit te kampionatit.

Juventusit i duhej një fitore mbrëmjen e sotme për ta siguruar matematikisht kampionatin dhe nuk zhgënjeu ndaj Sampdorias duke fituar me rezultatin 2-0. Golin e parë për Zonjën e Vjetër e shënoi, Cristiano Ronaldo, në fundin e pjesë së parë. Portugezi nuk fali me një skemë të bukur në goditjen e dënimit të Pjanic, duke goditur topin fort në cepin e djathtë të portës.

Në pjesën e dytë ai që dyfishoi shifrat dhe vulosi rezultatin përfundimtar ishte Bernardeschi i cili realizoi në minutën e 67-të. Sulmuesi anësor italian, finalizoi një kundërsulm të ekipit të Sarrit. Ronaldo bëri lëvizjen e tij klasike në krahun e majtë, por goditja e portugezit u prit nga portieri mik.

LEXO EDHE  Migjen Basha i sinqertë, tregon arsyen pse nuk firmosi me Partizanin

Bernardeschi përfitoi dhe nuk e pati të vështirë për të shtyrë topin në rrjetë dhe për të qetësuar shokët e skuadrës.

Për tu përmendur është fakti që në minutën e 89-të, Ronaldo humbi një 11-metërsh. Topi i goditur nga 35-vjeçari goditi traversën.

“Zonja e Vjetër” numëron plot 36 kampionate të fituara në Itali, me shumë se çdo skuadër tjetër.