Moto GP/ Quartararo fiton “pole position”, Marquez “ngre flamurin e bardhë”

Fabio Quartararo ka siguruar pole position në Çmimin e Madh të Andaluzisë. Piloti i ri i Yamaha-s synon të përsërisë suksesin e të dielës së kaluar. Në krah do të ketë shokun e skuadrës Maverick Vinales dhe Francesco Bagnaia me Ducati Pramac.

Rezultat i mirë edhe për Valentino Rossi-n, i cili do ta nisë garën e nesërme nga vendi i katërt.

Nuk ia ka dalë Marc Marquez. Pasi ka zbritur në pistë për sesionin e provave të lira të Çmimit të Madh të Andaluzisë në Jeres, tetë herë kampioni i botës ka ngritur flamurin e bardhë dhe ka vendosur të mos garojë të dielën.

LEXO EDHE  LIVE/ Starton “El Clasico”, ndiqni supersfidën Barcelona-Real Madrid

Vetëm pak ditë më parë Marquez kreu një operim në dorën e tij të dëmtuar nga aksidenti që pësoi fundjavën e kaluar.