Investimet e babait të yllit të Barcelonës, Lionel Messi në pronat e patundura në Milano, Itali kanë ngritur zërat për një transferim të mundshëm tek skuadra e Interit.
Por zëvendës drejtori i gazetës së njohur spanjolle Mundo Deportivo, Miguel Rico shkruan se një gjë e tillë nuk ekziston.
“Investimet e Jorge Messi janë thjesht investime si gjithë të tjerat në ShBA apo në Spanjë që babai i futbollistit ka bërë. Transferimi i Messit te Interi është i pamundur”– shkruan ai.
Gjithashtu ai shton se e ardhmja e Messit është tek Barcelona deri më 2021 kur i përfundon kontrata por nuk mundi të hamendësojë se çfarë do të ndodhë më pas, por një trasnferim tek Interi ka pak gjasa të ndodhë.
