Partizani fitoi ditën e djeshme me rezultatin 3-0 ndaj Vllaznisë. Të kuqtë mbyllën përfundimisht llogaritë për këtë sezon pasi nuk rrezikojnë “Play-Out”, por as nuk kapin dot Europën.
Një sezon zhgënjyes për skuadrën që sezonin e kaluar doli kampion, ndërsa këtë vit nuk arritën as objektivin minimal. Për këtë sezon ka folur edhe sulmuesi Jurgen Bardhi për “Supersport” që e përmbledh me një fjalë të vetme këtë sezon duke e quajtur dështim.
“Ky vit ishte zhgënjyes dhe mua më vjen shumë keq. E nisëm sezonin për të konkurruar për titullin kampion pastaj për Europën e tani nuk arritëm të kapnin as këtë objektiv.”
“Kam sakrifikuar shumë pasi që nga fillimi që kam qenë te Partizani me trajner Duron kam ardhur si lojtar 10, pastaj më kaluan sa majtas, djathtas e më pas pykë që nuk është roli im. Unë më të mirën time e jap si lojtar 10 ose në krah të majtë edhe pse bëjë gjithmonë maksimumin në çdo rol”.
“Sezonin tjetër? Kampion gjithmonë pasi edhe kur kam qenë fëmijë kam dashur gjithmonë të dalë i pari pasi nuk e pranoj humbjen. Ky vit për mua është dështim, por vitin tjetër synojmë që të dalim kampion”.
