Video/ Mazrekaj nostalgjik për kohën te Partizani, kujton supergolin e shënuar ndaj Vllaznisë!

Mentor Mazrekaj ka kaluar tre sezoni mjaft të suksesshme në aspektin personal te skuadra e Partizanit. Sulmuesi anësor shënoi gola të rëndësishëm dhe mjaft të bukur, duke i bërë tifozët e kuq të dashuroheshin pas tij.

Mazrekaj ende e ndjek Partizanin dhe dëshira ka qenë e madhe të rikthehej sërish e të luante me fanellën e kuqe, por pas dëmtimit nuk e gjeti më formën e dikurshme dhe shumë gjëra nuk kanë shkuar siç ai ka dashur.

LEXO EDHE  Shqipëria dominon Armeninë, kombëtarja e femrave shkëlqen me 5 gola

Sot, para ndeshjes që Partizanin luan në shtëpi me Vllazninë, ai rikujton një gol që ua ka shënuar pikërisht shkodranëve.

Minuta e 70-të, stadiumi “Loro Boriçi” ende i pa rikonstruktuar, shpërtheu në festë pas një goditjeje perfekte të Mazrekajt, i cili edhe sot kujtohet me mall nga tifozët e ekipit kryeqytetas.