Mori lajmin për humbjen e bashkëshortes nga COVID, vdes i moshuari

Një i moshuar në qytetin e Pogradecit ka humbur jetën, vetëm pak orë pasi bashkëshortja e tij vdiq në spitalin Infektiv në Tiranë, si pasojë e Covid-19.

68-vjeçarja nga Pogradeci ishte një nga 5 viktimat e raportuara sot nga Ministria e Shëndetësisë.

Nga raportimet mësohet se 68 vjeçarja që qenë e shtruar në spital më herët se të infektohej nga koronavirusi, pasi vuante nga disa sëmundje kronike.

LEXO EDHE  Atentati në Greqi, shqiptari qëllohet me 5 plumba

Por drama për familjen e 68 vjeçares është shtuar edhe më tej. Bashkëshorti i saj, për shkak të dhimbjes nga humbja e së shoqes ka ndërruar jetë në banesën e tij.

Ai ka pësuar arrest kardiak pak orë pasi ka marrë vesh lajmin për humbjen e bashkëshortes nga COVID 19.