E ardhmja e Jadon Sanchos pritet të jetë në qytetin e Manchesterit aty ku United po bën gjithcka për ta pasur anglezin në skuadër.
Skuadra e Borussia Dortmund është gati të shesë këtë verë sulmuesin e saj Jadon Sancho por këtë gjë do ta bëjë vetëm me një çmim që ata e konsiderojnë të arsyeshëm për një talent të kalibrit të 20-vjeçarit.
Borussia mendon se ky është momenti për të shitur Sancho, që është në pikun e tij për sa i përket vlerës së tij në treg. Problem është shuma që do paguhet për lojtarin britanik, i ardhur 3 sezone më parë në Gjermani.
Sipas së përditshmes britanike “Indipendent”, skuadra e Manchester United është e para që ka bërë një ofertë për sulmuesin, 60 milionë euro. Një shumë që është disi larg kërkesës së Dortmund, që synon të arkëtojë 80 milionë euro.
Por ashtu siç raportojnë mediat angleze, një marrëveshje mes klubeve ka gjasa të ndodhë duke marrë parasysh edhe dëshirën e lojtarit për tu rikthyer në vendlindje.
