Opozita e Bashkuar ka propozuar në Këshillin Politik hapjen 100 përqind të listave zgjedhore, me kushtin që koalicionet mos preken.
Por, sipas raportimeve, mësohet se PS nuk ka pranuar të mbështesë propozimin në fjalë.
Burime nga mbledhja e Këshillit Politik bëjnë të ditur se përfaqësuesi i Partisë Socialiste, Damian Gjiknuri i ka kërkuar PD dhe opozitës që të gjejë 28 deputetë për të paraqitur nismën e saj ligjore.
Propozimi për hapjen e listave 100% dhe jo në mënyrë të pjesshme, siç propozon PS dhe deputetët e tjerë në parlament, u bë nga Kryetari i PD, Lulzim Basha, dhe u mbështet nga Opozita e Bashkuar.
