Transportonte refugjatë me‘Range Rover’, pranga 37-vjeçarit

Një 37-vjeçar është arrestuar nga policia e Pogradecit në kuadër të operacionit policor të koduar “Perimetri”. Niko Salianji u kap në aksin rrugor Qafë-Plloçë-Qukës, duke transportuar 9 emigrantë të paligjshëm në drejtim të Tiranës, me automjet.

Ai u kishte premtuar emigrantëve kalimin drejt vendeve të BE-së kundrejt fitimit 1000-1200 euro.

“37-vjeçari, banues në  fshatin Vodicë, Berat, u kap në aksin rrugor rural Qafë Plloçë-Qukës, pranë fshatit Golik, duke transportuar me mjetin tip ‘Range Rover’, në drejtim të Tiranës, 9 emigrantë të paligjshëm, të cilëve kundrejt fitimit prej 1000-1200 euro iu kishte premtuar kalimin drejt vendeve të BE-së”, thuhet në njoftimin e policisë.

LEXO EDHE  Kritikat e Ramës, reagon Jorgo Goro

Ndaj Salianjit, rëndon akuza për veprën penale “Ndihma për kalim të paligjshëm të kufijve, kryer në bashkëpunim”.