Pak muaj pas tërmetit të 26 nëntorit, si pasojë e të cilit humbën jetën 53 persona, qeveria shqiptare miraton një paketë ligjore, e cila për herë të parë kriminalizon shkelësit në sektorin e ndërtimit. Ndryshimet e reja ligjore parashikojnë deri në 15 vjet heqje lirie në rastet kur pasojat janë deri në humbje jete.
Këto ndryshime ligjore vijnë në një kohë kur Shqipëria nuk e ka marrë ende veten nga pasojat e tërmetit të 21 shtatorit dhe 29 nëntorit të vitit të kaluar e kur sektori i ndërtimit është bërë shpesh burim aksidentesh për shkak të shkeljes së rregullave teknike.
Ndryshimet në Kodin Penal parashikojnë:
1) Kriminalizim për herë të parë në rastet kur kryerja e çdo veprimi tjetër me dashje që mund të sjellë rrëzimin e plotë ose të pjesshëm të ndërtesave, objekteve qytetare, veprave industriale, të infrastrukturës ose të çdo objekti tjetër që mund të rrezikojë jetën ose shëndetin e njerëzve, e cila dënohet me gjobë ose burg deri në 5 vjet.
Dënimin me burg nga 5 – 10 vjet kur nga vepra penale kanë ardhur pasoja të rënda materiale.
Dënimin me 7 – 15 vjet burg kur nga vepra janë shkaktuar pasoja të rënda të shendetit dhe jetës së njerëzve.
2) Gjithashtu kriminalizohen për herë të parë veprimet të cilat kryhen në kundërshtim me ligjin, dokumentet e planifikimit, standardet profesionale në fuqi ose në kundërshtim me lejen e zhvillimit ose të ndërtimit nga projektuesit, mbikëqyrësit, zbatuesit, kolauduesit e punimeve, dënohen me burg nga 1 – 5 vjet nëse janë marrë më parë masa administrative për ta.
Po gjithashtu në mbrojtje edhe të rasteve kur projektuesit, mbikqyrësist, zbatuesit dhe kolaudusit e punimeve nxiten me ose pa shpërblim apo detyrohen të kryejnë veprime të cilat shkelin ligjin, standartet profesionale apo lejen zhvillimore ose të ndërtimit, është parashikuar si veprim penal dhe që dënohet nga 1 – 5 vjet.
Dhe si rrethana rënduese kur nga këto veprime kanë ardhur pasoja të rënda materiale, dënimi është 5-10 vjet, kur ka pasoja të rënda të shëndetit dhe jetës 7 – 15 vjet burg. /TvT/
