Listat e hapura, Hajdari: Furtunën e ndryshimit nuk e ndal dot askush

Deputetja Rudina Hajari u shpreh pas mbledhjes së Këshillit Politik se askush nuk mund ta ndalë tashmë ‘furtunën’ e ndryshimit.

Sipas Hajdarit, listat e hapura janë realiteti në zgjedhjet e ardhshme, ndërsa i ka bërë thirrje të gjithë qytetarëve që përkrahin opozitën, ta mbështesin këtë ndryshim.

“Nuk kam reshtur duke ecur në rrugë dhe duke takuar qytetarë për të marrë mbështetje për listat e hapura dhe shoh që qytetarët me ndalojnë dhe më thonë mos u tërhiq. Ka pasur edhe simpatizantë të PD-së që më kanë thënë se janë të zhgënjyer që lidershipi i PD nuk po e mbështet këtë nismë.

Erdha me këtë synim sot, për ti kërkuar PD që të mbështesë listat e hapura. I bëj thirrje demokratëve që janë të zhgënjyer nga kjo mënyrë e kapjes, servilosjes të bashkohen dhe të mbështesin listat e hapura. Duhet patjetër të shkojmë me lista të hapura.

LEXO EDHE  Firmosën peticionin e Berishës? Kreu i degës largon të gjithë anëtarët. Çfarë po ndodh me PD

Nuk ka njeri ta ndalë këtë furtunë ndryshimi. Çdo vend i BE-së përfaqon listat hapura. Është e rëndësishme që kur duhet të flasim për listat hapura të kemi konsensus të gjerë politik. Dua të mos ndalojmë së reshturi së shtriri dorën popullit opozitar që janë të braktisur në rrugë. Listat e hapura për mua do jenë realiteti i ardhshëm në zgjedhjet e ardhshme”, tha Hajdari.