Rriten rastet e reja dhe humbjet e jetës nga COVID në Kosovë.
Autoritetet vendase njoftuan 181 raste të reja nga 420 testime në bilancin ditor të kësaj të Enjteje, si dhe 8 viktima.
Sipas njoftimit të Ministrisë së Shëndetësisë, numri i vdekjeve ka shkuar në 158 që nga nisja e pandemisë, me viktimat që kishin të gjithë sëmundje shoqëruese.
Numri total i rasteve pozitive që nga filli i pandemisë është 6.467 raste, nga 32.795 testime.
MSH ka bërë të ditur se janë shëruar 136 pacientë, derisa numri total i të shëruarve ka shkuar në 3 mijë e 505.
Aktive janë 2.804 raste.
