Policia e Shtetit është shtuar me 587 efektivë. Vendimi u miratua nga Qeveria dhe numri total i efektivëve të Policisë do të shkojë në 11 mijë e 645, nga 11 mijë e 58 që ishte.
Vendimi nuk sqaron sepse janë shtuar 587 efektivë në rradhët e policisë.
Vendimi vjen disa muaj para zgjedhjeve parlamentare. Gjatë protestave të organizuara si nga opozita ashtu edhe nga shoqëria civile, policia është akuzuar për dhunë, tejkalim kompetencash dhe për mungesën e numrave identifikues.
V E N D I M
PËR NJË NDRYSHIM NË VENDIMIN NR.446, DATË 22.5.2017, TË KËSHILLIT TË MINISTRAVE, “PËR MIRATIMIN E NUMRIT TË PËRGJITHSHËM TË PERSONELIT TË POLICISË SË SHTETIT”, TË NDRYSHUAR
Në mbështetje të nenit 100 të Kushtetutës, të pikës 6, të nenit 19, të ligjit nr.108/2014, “Për Policinë e Shtetit”, të ndryshuar, dhe të aktit normativ nr.28, datë 2.7.2020, të Këshillit të Ministrave, “Për disa ndryshime në ligjin nr.88/2019, “Për buxhetin e vitit 2020”, të ndryshuar”, me propozimin e ministrit të Brendshëm, Këshilli i Ministrave
V E N D O S I:
Në pikën 1, të vendimit nr.446, datë 22.5.2017, të Këshillit të Ministrave, të ndryshuar, fjalët “… 11 058 (njëmbëdhjetë mijë e pesëdhjetë e tetë) punonjës …” zëvendësohen me “… 11 645 (njëmbëdhjetë mijë e gjashtëqind e dyzet e pesë) punonjës …”.
Ngarkohen Ministria e Brendshme dhe Ministria e Financave dhe Ekonomisë për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
K R Y E M I N I S T R I
EDI RAMA
