Vllaznia luan ditën e premte në transfertë kundër skuadrës së Partizanit, ndeshje kjo e vlefshme për javën e parafundit të Kategorisë Superiore.
Ndeshja do të luhet në “Air Albania Stadium” dhe do të vendosë shumë për skuadrën që do të shkojë në fazën “Play Out”.
Për të motivuar lojtarët e tij, presidenti i ri i Vllaznisë, Alban Xhaferi, ka përcaktuar një premio prej 5 milionë lekësh të vjetra. Një gjë të tillë e ka thënë në “Studio Sport” për gazetarin Gaspër Marku: “Skuadra është e motivuar për këtë ndeshje, megjithatë ne kemi menduar që të akordojmë edhe një shpërblim në rast fitoreje.”
“Shpërblim që do të jetë në vlerën e 5 milionë lekëve të vjetra dhe besoj se ajo do t’i karikojë dhe më shumë lojtarët. Jemi shumë entuziast se do t’ia dalim ta mbyllim këtë sezon ashtu si duhet dhe pastaj sezonin e ardhshëm të bëjmë plane për një skuadër krejt ndryshe”, ka thënë ai.
DENONCO