Rrumpallë e ka cilësuar ish-deputeti Enkelejd Alibeaj marrëveshjen e firmosur sot mes Kryeministrit Edi Rama dhe asaj që njihet si “opozita” parlamentare.
Alibeaj tha se kjo marrëveshje kundërshton atë të 5 qershorit, e cila është e bekuar nga ndërkombëtarët.
“Ramën e ka kapur paniku dhe nuk është çudi që të kërkojë edhe që mos ketë zgjedhje fare. Kjo është rrumpallë, njëri del kundër, dy janë pro, ec e merre vesh se çfarë marrëveshje ka arritur.
Mendoj se Rama është në panik dhe mund të presësh gjithçka”, tha Alibeaj në emisionin Tempora.
Sipas tij, marrëveshja e sotme, nëse mund të quhet e tillë, bie ndesh tërësisht me atë të 5 qershorit.
