Kanë shkaktuar shumë debate fotografitë e publikuara nga një thertore në Japoni, ku dhjetëra punëtorë merren me rrjepjen e lëkurës dhe ndarjen e mishit të një balene gjigante.
Fotografitë tregojnë balenën 10 metra të gjatë që ndahet ne pjesë, pasi mishi i saj është pjesë e kuzhinës tradicionale të vendit.
Pasi gjitari u nda në dysh mishi u lag me sake, një poje tradicionale alkoolike japoneze, si pjesë e një rituali për pastrimin e mishit dhe festimin e gjuetisë.
Më pas mishi u nda në copa për t’u shpërndarë nëpër restorante dhe dyqane.
Japonia ka një histori 400-vjeçare të gjuetisë së balenave. Por ka rifilluar vetëm prej një viti gjuetinë e tyre për qëllime tregtare, një aktivitet i ndërprerë në vitin 1986.
Megjithatë, përgjatë këtyre viteve gjuetia për qëllime shkencore nuk është ndalur.
Që prej 1 korrikut, ka nisur zyrtarisht sezoni i gjuetisë, me leje për peshkatarët për të vrarë 227 balena.
