Sezoni 2019-2020 i Kategorisë Superiore po i drejtohet fundit. Çështja e titullit kampion u zgjidh, me Tiranën që doli triumfuese.
Gjithashtu për sa i përket pjesëmarrjes së skuadrave në Europa League, dy nga tre skuadrat e kanë konfirmuar pjesëmarrje e tyre. Kukësi dhe Laçi do të shkojnë në Europë, ndërsa skuadra e tretë me shumë mundësi do të jetë Teuta.
Në dy javët e fundit të Superiores, do të luhet edhe për shmangjen e vendit të 8-të që të çon në “play-out”. Bylis numëron dy pikë më shumë se Vllaznia dhe të dy skuadrat në këtë përfundim të sezonit duelin do ta kenë më njëra-tjetrën.
Kështu, java e parafundit do të zhvillohet ditën e premte (24 korrik) dhe FSHF ka vendosur për oraret në të cilat do të luhen.
Tre sfida do të nisin në orën 17:45, konkretisht Laçi-Tirana, Flamurtari-Teuta dhe Bylis-Luftëtari. Dy përballjet e mbetura: Partizani-Vllaznia dhe Kukësi-Skënderbeu, do të nisin në orën 20:45.
