Partia Demokratike vijon të mbledhë propozimet nga degët e saj në rrethe mbi emrat që propozohen si kandidatë për deputetë.
Mësohet se nnga dega e PD-së në Shkodër, e cila ka 38 grupseksione janë propozuar rreth 100 emra, shumë prej tyre ish-drejtues të kësaj partie, ish-deputetë dhe ish-kryebashkiakë, por edhe emra që vijnë nga bota akademike, kryesisht pedagogë të Universitetit Luigj Gurakuqi.
Mes emrave që spikasin janë ato të Edi Palokës, Çlirim Gjata, Izmira Ulqinaku, Voltana Ademi, Lorenc Luka, por edhe ish-kryeparlamentarja Jozefina Topalli apo ish-ministri Arben Imami. Gjithashtu ka propozime nga rradhët e ish-të përndjekurve politikë apo të shoqatës 2 Prilli.
Emrat do të kalojnë procedurat e paracaktuara nga komisionet respektive në PD, më pas do të rikthehen për rivotim në anëtarësinë e PD, dhe më pas do të jetë Kryesia dhe Këshilli Kombëtar që do të vendosin.
