Në Korçë u konfirmuan 6 raste të reja me COVID-19, ndër to vatra të reja dhe kontakte të personave të infektuar më herët.
Nga hetimi epidemiologjik janë kontaktuar kontaktet e personave që kanë rezultuar pozitivë, të cilëve u është kërkuar të vetëkarantinohen në pritje të marrjes së tamponeve.
Disa prej kontakteve rezultojnë punonjës në institucionet shtetërore, që duket se janë kthyer në vatra të përhapjes së koronavirusit.
Alarmi që vjen nga Korça ka të bëjë pikërisht me mosrespektimin e karantinës, veçanërisht nga punonjës të administratës, çka vështirëson punënb e ekipeve epidemiologjike në gjurmimin e rasteve.
