Tirana shënoi nga një gol për pjesë, mposhti 2-0 Flamurtarin në kryeqytet dhe është tre pikë larg fitimit të titulli kampion, që mund të ndodhë që nesër nëse Vllaznia fiton në “Loro Boriçi” kundër Kukësit.
Kristi Vangjeli është shpallur tre herë kampion Shqipërie me Skënderbeun dhe tani pret të triumfojë me bardheblutë e Tiranës, teksa foli pas ndeshjes për Supersport. “Ishim shumë në siklet me Flamurtarin, i dhamë shumë shanse duke parë edhe vendin ku ndodhej në renditje.”
Unë kam mentalitet fituesi dhe më ka udhëhequr në gjithë karrierën time. Kur erdha te Tirana, isha me mendimin që: ‘Po vij te Tirona me zemër’. E dija që bëhej fjalë për një ekip me tifozeri të madhe dhe për lojtarë shumë cilësor“, deklaron mbrojtësi me eksperiencë i bardhebluve.
