Policia e Shkodrës arrestoi një 28-vjeçar, nga fshati Prekal i Shkodrës, me akuzën e kultivimit të bimëve narkotike. I arrestuari është shtetasi P.B, i cili u filmua nga droni i policisë, pas dyshimeve të krijuara ndaj tij, lidhur me vajtjen e shpejtë në një pyll dhe pastrimit që po i bënte një sipërfaqeje pyjore.
Policia e Shkodrës njoftoi sot organizoi operacionin “Pulti” me qëllim për të parandaluar kultivimin e bimëve narkotike, me grupe kontrolli edhe nga ajri, me dronë e helikopter.
Prej këtij operacioni u arrestua 28-vjeçari P.B, nga fshati Prekal, i cili, në një zonë të pyllëzuar në Pult, kishte hapur një sipërfaqje toke enkas për të kultivuar kanabis.
Mbi bazën e filmimeve dhe informacioneve, u organizua operacioni policor i koduar “Pult”.
Pas mbajtjes nën vëzhgim u bë kapja dhe arrestimi në tokën që kishte hapur dhe kishte kultivuar fidanët narkotikë.
Dosja e tij iu referua Prokurorisë së Rrethit Gjyqësor Shkodër, për veprën penale “Kultivimi i bimëve narkotike”
