Gjykata ka vendosur “arrest me burg” 10 ditë ndaj 22-vjeçarit Rois Babasi, djali i ish-deputeti të PD, Ndriçim Babasi. Ndërkohë prokurori i çështjes kërkoi arrest me burg për 40 ditë.
Rois Babasi, pas një konflikti të ndodhur në ish-Bllok mbrëmjen e dy ditëve më parë, plagosi me armë zjarri në këmbë 39-vjeçarin Gazmir Bushaj, po ashtu edhe ai mbeti i plagosur dhe u shtrua në spital.
Në sherr, u raportua se u përfshinë edhe fëmijë personazhesh të njohur të biznesit dhe politikës, ndërsa prokuroria është duke hetuar ende për gjetjen e shkaqeve që çuan në përplasjen mes grupeve.
