Trajneri i Skënderbeut, Ilir Daja, u prononcua për Supersport pas fitores 0-1 kundër Luftëtarit në Gjirokastër.
Pavarësisht fitores, ai u shpreh i pakënaqur me paraqitjen e skuadrës së tij,. Gjithashtu i pyetur për një kalim të tij te Partizani, Daja, është shprehur se momentalisht mendon për të mbyllur sa më mirë sezonin me Skënderbeun, ndërsa e ardhmja e tij do të sqarohet me kalimin e kohës.
Fitorja – “Është fund kampionati dhe të gjitha ekipet kanë probleme. Më vjen keq që një qytet si Gjirokastra nuk do të jetë në Superiore. Ka disa djem që duhen falënderuar që vazhdojnë të luajnë dhe të japin maksimumin. Në fund fare, në këto momente që jemi, mundet që ta kishim çuar lojën në një avantazh që do të na jepte qetësinë. Sepse në fund fare, pavarësisht se nuk kemi luajtur mirë, kemi pasur shumë raste para porte”.
Partizani– “Atëherë, është një histori e përsëritur. Unë do të vazhdoj të jem trajner i Skënderbeut dhe besoj se në këto 10 ditë që na kanë ngelur, të premten me Kukësin dhe të mërkurën me Partizanin, t’i motivoj djemtë për të kapur një vend në Europë. Kjo është më e rëndësishme për momentin. Pastaj, shohim e bëjmë”.
