Në korrik të 2018-ës Erald Çinari firmosi kontratë 3- vjeçare me Deportivo Alaveshin përkundrejt një rroge 150 mijë euro në sezon. Më pas klubi spanjoll e transferoi sulmuesin shkodran te kroatët e NK Istra 1961.
Ky transferim quhet si një transferim brenda familjes për vetë lidhjet që kanë dy klubet. Në verën e 2018-ës Istra kaloi nën menaxhimin e konsorciumit bask, “Baskonia Alaves Group”.
Nga kërkimet në internet del qartë lidhja mes dy klubeve, pasi pjesë e konsorciumit që mori drejtim e Istrës ishte edhe një nga aksionerët e Deportivo Alaveshit, pikërisht bëhet fjalë për ish-basketbollistin Hoze Antonio Kuereheto.
Biznesmeni ish-basketbollist zotëron 6.4% të aksioneve të Alaveshit. Ky konsorcium, përveç Istrës në Kroaci, ka edhe një klub tjetër satelit në Francë, Sosho. Në këto kushte, duke parë që transferimi i Çinarit tek Alavesh u vështirësua, për të humbur gjurmët apo për të fshehur diçka tjetër ai u huazua te satelitët e Istrës, por Vllaznia qëndroi stoike duke mos e dhënë lejekalimin e sulmuesit. /Panoramasport
