Rastet e reja me Covid-19 në Vlorë, Fier e Berat/ Mes të infektuarve edhe një punonjës i Kadastrës

Ministria e Shëndetësisë përditësoi sot të dhënat mbi rastet me koronavirus në Shqipëri, ndërsa në Fier u evidentuan 6 raste të reja.

Referuar të dhënave mësohet se dy prej pacientëve janë xhaxha dhe nip, pjesëmarrës në një festë familjare. Nipi punon në Kadastrën e qytetit të Fierit, ndërsa një pjesë e kolegëve të tij janë karantinuar dhe janë në pritje të testimeve.

Ndërkohë 4 rastet e tjera janë kontakte të mjekut ansestezist të spitalit të Fierit, i cili rezultoi me Covid-19 pak ditë më parë.

LEXO EDHE  Shpërthimi në Pogradec, i zoti i shtëpisë po bënte kafen/ Me urgjencë në Tiranë

Ndërkohë në Berat është zbuluar 1 rast i ri me koronavirus. Bëhet fjalë për një banor të fshatit Drenovic.

Rasti i konfirmuar dyshohet të ketë pasur kontakte gjatë punës ku fermerë merren me grumbullimin dhe shitjen e prodhimeve të zonës.

Referuar të dhënave për tre rastet e konfirmuara në Vlorë, ato janë një turist nga Tirana i cili ka shkuar në Himarë dhe 2 të tjerët janë kontakte të turistit nga Tirana.