Meta: Nuk i njoh ndryshimet Kushtetuese

Presidenti Ilir Meta tha se nuk do të njohë ndryshimet Kushtetuese, duke i cilësuar ato të njënashme dhe që bien ndesh edhe me rekomandimet e Komisionit të Venecias.

Meta tha se në Kuvendin e Shqipërisë janë të ligjshëm vetëm 82 deputetë dhe asnjë ndryshim Kushtetues nuk është legjitim në kushte të tilla.

“Ndryshimet Kushtetuese janë një akt i njëanshëm që nuk njihen nga Presidenti i Republikës”, tha Meta.

Por sipas presidentit, lëvizja e mëpasme e Ramës për të ndaluar koalicionet parazgjedhore e zerojnë këtë marrëveshje të arritur.

Meta u shpreh se të gjithë aktorët politikë, vendas dhe ndërkombëtarë janë kundër Ramës dhe lëvizjes së tij.

“Shënoj si arritje të këshillit politik marrëveshjen e 5 qershorit edhe për ecurinë e procesit të integrimit në BE.

Kjo marrëveshje u mbështet fort nga përfaqësuesit e komunitetit ndërkombëtar në Tiranë dhe u përshëndet nga sekretari i Shtetit, Mike Pompeo, Komisioneri Joseph Barel dhe komisionari i Zgjerimit, i Oliver Varhelyi.
Përfshirja dhe konsensusi i arritur do të konsideroheshin si suksese

LEXO EDHE  VIDEO/ Berisha: Sekseri me uniformë u merr 50 euro qytetarëve për t´i kaluar pa rradhë në Kakavijë

Por iniciativa e mazhorancës për ta ndryshuar e prish në mënyrë të njëanshme marrëveshjen e 5 qershorit e zeron këtë marrëveshje dhe do të dëmtonte edhe kredibilitetin e ministrit të Jashtëm njëherësh kryeministër dhe si drejtuesi i OSBE.

Propozimi për ndryshimet kushtetuese zeron përpjekjet. Palët t’i qëndrojnë marrëveshjes, kur për këtë janë investuar edhe SHBA, Britania dhe BE-ja. Këto ndryshime të njëanshme janë në kundërshtim me komisionin e Venecias.

Ndryshime të sistemit duhet të nisin një vit para zgjedhjeve. Këtë qëndrim e ka mbajtur edhe zyra e OSBE-së që ka thënë se është shumë vonë”, tha Presidenti Ilir Meta gjatë deklaratës për mediat.